Manchester United e kishte provuar edhe pas shkarkimit të Ole Gunnar Solskjaer, sipas ‘Bild’, por Roberto Mancini kishte refuzuar. Tani ‘Telegraph’ është i bindur se situata po përsëritet: Red Devils, të drejtuar në një bazë të përkohshme nga Ralf Rangnick, kanë menduar për trajnerin e kombëtares italiane për sezonin e ardhshëm, kur gjermani do të largohet nga pankina për të kaluar në një rol menaxherial. Emri i Mancinit është pjesë e një grupi kandidatësh për të drejtuar United për një kohë të gjatë.
Gjithçka padyshim do të varet nga rezultati i play-off për të shkuar në Katar. Italia, e cila me sa duket do të duhet të luajë finalen kundër Portugalisë në Lisbonë, rrezikon seriozisht të dalë jashtë kompeticionit më të rëndësishëm botëror për të dytën herë radhazi. Pavarësisht një kontrate që e lidh teknikun me kombëtaren deri në vitin 2026, e ardhmja e kaltër e Mancinit është e lidhur fatalisht me kualifikimin apo jo për kampionatin botëror. Nëse ai mbetet jashtë, mund të ketë një përmbysje të situatës që mund të lirojë trajnerin aktual. Zgjidhja e United, pavarësisht të shkuarës te City, do të ishte një nga më tërheqëset në rast se Mancini do të mbetej pa ekip. Për Red Devils tekniku do të ishte një nga kandidatët kryesorë, për pankinën e sezonit 2022-2023, së bashku me Pochettino dhe Rodgers.