Kur jemi fëmijë, nuk e pëlqejmë shumë emrin që na kanë vendosur prindërit ose të afërmit tanë. Gjithmonë na pëlqen më shumë emri i shoqes/shokut, dhe mendojmë se çfarë emri do të na shkonte më shumë. Por emri, “fatkeqesisht”, nuk është një zgjedhje e jona. Këngëtarja e njohur e skenave botërore Dua Lipa, ka treguar në një intervistë për “The Guardian”, se kur ishte fëmijë nuk i pëlqente emri i saj. Zgjedhja e emrit ka qenë nga gjyshja, por Dua dëshironte një emër tjetër fëmijë. Sot që është një vajzë e rritur, Dua është krenare për emrin e saj.
“Tani jam krenare. Por kur isha duke u rritur doja të quhesha Hannah, Sarah, Ella… diçka normale. Sepse me Dua duhet t’u shpjegosh të gjithëve se jam nga Kosova”,-është shprehur Dua.