Dënimi i Harvey Weinstein në vitin 2020 për akuzat për përdh*nim është rrëzuar nga Gjykata e Apelit e Shtetit të Nju Jorkut, e cila urdhëroi një gjyq të ri.
Në gjyqin e vitit 2020, Weinstein u shpall fajtor për përdh*nim në shkallën e tretë për sulm se*sual ndaj një aktoreje në 2013 dhe për kryerjen e një akti se*sual kriminal duke detyruar se*s oral ndaj një ish-asistenti të prodhimit në vitin 2006. Weinstein u dënua me 23 vjet burg.
Gjykata konstatoi se gjyqtari që kryesonte çështjen e manjatit të turpëruar të filmit kishte bërë një gabim duke lejuar prokurorët të thërrisnin dëshmitarë, akuzat e të cilëve nuk ishin pjesë e akuzave kundër tij. Teksti i vendimit u publikua të enjten në mëngjes.
Vendimi për të dëshmuar gratë që nuk ishin pjesë e akuzave kundër Weinstein u mor “gabimisht” nga gjykata më e ulët, tha gjykata e apelit. Gabimi u “përkeqësua” kur gjykata më e ulët vendosi që Weinstein mund të merrej në pyetje në lidhje me ato akuza. Gjykata e apelit tha se këto vendime pakësuan karakterin e tij para një jurie.
Për shkak se prokurorët nuk mund të përdorin “dënime të mëparshme ose prova të kryerjes së mëparshme të akteve specifike, kriminale, të mbrapshta ose imorale” për të vërtetuar kriminalitetin e një personi, vendimi për të pasur viktima të supozuara, pretendimet e të cilave nuk ishin pjesë e akuzave kundër Weinstein, nënkuptonte se ai ishte gjykuar “për pretendime të parëndësishme, paragjykuese dhe të paprovuara për vepra të këqija të mëparshme“, sipas gjykatës së apelit.
Avokati Douglas H. Wigdor, i cili ka përfaqësuar tetë akuzues të Weinstein, duke përfshirë dy nga dëshmitarët në gjyqin e Nju Jorkut, e quajti vendimin e së enjtes një “hap të madh prapa në mbajtjen e përgjegjësive të atyre për aktet e dhunës seksuale”. Prokurorët e Manhatanit tani do të duhet të vendosin nëse duan të rigjykojnë Harvey, tani 72 vjeç.