Mbretëresha Elizabet ka dënuar ashpër sulmin e ndodhur mbrëmjen e së hënës në Manchester gjatë koncertit të Ariana Grandes.
Ditën e sotme ajo ka vizituar në spital të plagosurit e këtij sulmi, duke falenderuar kështu edhe mjekët për kujdesin e veçantë. Elizabet gjithashtu ka takuar edhe familjrët e të plagosurve duke i uruar shërim të shpejtë për të dashurit e tyre.
Aktualisht ndodhen të shtruar në 8 spitale rreth 75 persona, ndërsa në spitalin ku ishte e pranishme Mbretëresha 91 vjeçare ndodheshin 14.
