Viktima është identifikuar me inicialet R.L., 68 vjeç, bëjnë me dije burime policore. Ngjarja ka ndodhur pak para orës 18:00 tek mbikalimi i Rinasit. Drejtuesi i mjetit është arrestuar nga policia. Ai është një 25 vjeçar, banor i Mamurrasit që e ka përplasur të moshuarën, ndërsa kjo po kalonte rrugën. Nga hetimet paraprake dyshohet se R.L. ka tentuar të kalojë nga njëra anë e rrugës në tjetrën, ku si pasojë e lagështisë në rrugë dhe errësirës është goditur nga automjeti.