Pas përplasjes me policinë, nënkryetari i Partisë Demokratike, Edmond Spaho ka telefonuar Ministrin e Brendshëm Fatmir Xhafaj, por ky i fundit nuk i është përgjigjur.
Spaho nuk është dorëzuar dhe ka telefonuar Drejtorin e Policisë së Shtetit, Ardi Veliun të cilit i ka kërkuar se nga kush është urdhëruar që policët të ushtrojnë dhunë mbi qytetarët dhe të ndalojnë deputetët të hyjnë në sallë, kur nuk ka asnjë vendim nga trupi gjykues.
Përgjigja e drejtorit të policisë ka qenë: “Nuk janë policët e mi, janë policët e shtetit”, por pas sqarimit të Spahos ka urdhëruar policët të lejojnë deputetët të futen në sallë.