Autori i vrasjes me automatik të 25-vjeçarit Rexhep Alihasani pasditen e sotme në Tropojë, u arrestua.
Efektivët e Komisariatit të Policisë Tropojë bënë të mundur kapjen dhe arrestimin e Safet Rizaj, 23 vjeç, banues në fshatin Luzhë.
Policia njofton se gjatë kontrollit, të riut ju gjet arma zjarrit tip automatik, e dyshuar që është përdorur nga autori.
Safet Rizaj është shoqëruar në Komisariatin e Policisë së Tropojë për veprime të mëtejshme.