Policia e Kosovës për rajonin e Gjakovës ka konfirmuar se një person është gjetur pa shenja jete në rrugën Gjakovë – Goden.
Mediat kosovare mësojnë se bëhet fjalë për aktorin e “O Sa Mirë”, Art Kurtin, i njohur për rolin e Gjakovarit.
Policia e Kosovës ka konfirmuar se po heton rrethanat për vetëvrasje, i cili u gjet i vdekur me një plumb në kokë në një veturë në fshatin Goden, në periferi të qytetit.
Vetura në të cilën është gjetur i vrarë Art Kurti, këshilltar për rini në kabinetin e kryetari të Komunë së Gjakovës, ka qenë e një shoku të tij.
Të afërm me aktorin kanë rrëfyer se i riu gjatë kohëve të fundit ka shfaqur shenja depresioni, sikurse ka folur edhe për probleme personale.