Kombëtarja shqiptare e futbollit pritet të hedhë në fushë një formacion me shumë ndryshime në përballjen miqësore me Kosovën.
Kundër përfaqësueses që drejtohet nga Bernard Challandes, trajneri Christian Panucci do të eksperimentojë thuajse në të gjitha repartet.
Në portë rikthehet Etrit Berisha. Në mbrojtje do të jetë Hysaj, në të djathtë; Veseli e Gjimshiti, në qendër; dhe Lika, në të majtë.
Mesfusha e pritshme e kuqezinjve do të ketë Ramadanin, Ndojin, Krenar Qakën dhe Odise Roshin.
Sulmi i kuqezinjve do të përbëhet nga Sindrit Guri dhe Sokol Cikalleshi.