Së bashku me moshën vijnë edhe sëmundjet. Megjithatë krahasuar me vendet e rajonit, shqiptarët jetojnë më gjatë pa u prekur nga sëmundjet. Pritshmëria për jetëgjatësinë me shëndet të plotë është 68.1 vite, sipas të dhënave nga Organizata Botërore e Shëndetit. Ndërsa jetëgjatësia pritet të jetë 78 vite e gjashtë muaj, rreth 80 vjet për gratë dhe 77 për burrat.
“Il Sole 24 Ore” ka publikuar hartën me të dhënat më të fundit të vlefshme për sa i përket jetëgjatësisë së individëve pa u prekur nga ndonjë sëmundje. Krahasuar me vendet e rajonit, Shqipëria ka jetëgjatësinë më të gjatë pa sëmundje, së bashku me Malin e Zi. Në Maqedoni një individ pret që të jetojë pa u prekur nga sëmundjet 67.1 vjet, në Serbi 67.4, në Bosnjë 67.2, shkruan monitor.
Po keta tallin trapin?
Ha ha ha , e kane llafin kur zbulojne semundjet…Shqipetari i shkrete, duke pare nivelin e shendetesise, shkon ne fund se e di c’fare e pret tek keta mjeke kasape…