Xhaferr Mata, 31-vjeçari që mëngjesin e sotëm vrau 19-vjeçaren Xhuljeta Cuni dhe më pas qëlloi veten me një plumb në kokë, pak orë para ngjarjes së rëndë shkruante në profilin e tij në facebook për dashurinë. Ai poston një poezi ku i shpreh mamasë së tij dashurinë.
Ndërkohë mësohet se i riu ishte nga Kalimashi i Kukësit dhe jetonte në Tiranë. Ai kishte mbaruar studimet në Universitetin Politeknik të Tiranës për inxhinier mekanik dhe jetonte prej vitesh në kryeqytet.
Ngjarja e rëndë ndodhi mëngjesin e sotëm në rrugën “Eshref Frasheri”, ku 31- vjeçari ka qëlluar me armë zjarri pistoletë 19-vjeçaren, e cila ka ndërruar jetë në vendngjarje.
Autori më pas ka qëlluar dhe veten me armë zjarri ku aktualisht është transportuar në spital në gjendje të rëndë për jetën.
