Biznesi i lojërave të fatit pritet të marrë një goditje pas vendimit të qeverisë që do t’i largojë kazinotë dhe pikat e basteve nga qendrat e qyteteve deri në 31 dhjetor të këtij viti. Disa kanë filluar të mbyllen tashmë, ndërsa nga janari pritet që në treg të krijohet një ofertë e lartë për ambiente me qira. Pikat e lotove basteve e kazinove e kishin rritur ndjeshëm tregun e qirave sidomos në kryeqytet, teksa ishin të gatshëm të paguanin më shumë (psh një pikë bastesh afër Bllokut paguante deri në 200 euro për metër katror qira, nga 35-40 euro që është qiraja në qendrat e biznesit të kategorisë A).
Nga ky ves shqiptarët shpenzonin mbi 130 milionë eur në vit, që ishte qarkullimi vjetor i kazinove e basteve sportive në 2017-n, teksa të ardhurat e kompanive po shënonin rritje dyshifrore vit pas viti, pas 2013-s. Shpenzimet më të mëdha janë në kazino, me rreth 60% të totalit.
Zgjerimi i këtyre kompanive ka rritur dhe numrin e të punësuarve, sidomos në pikat e basteve sportive, të cilët, së bashku me kompanitë call center, vitet e fundit janë dhe ndër punëdhënësit më të mëdhenj në vend.
Në total, sipas të dhënave nga tatimet, janë mbi 7,000 të punësuar në kazinotë e bastet sportive, me të dhëna që i referohen fundit të 2017-s. Bastet sportive janë ato që punësojmë më shumë, për vetë natyrën e aktivitetit të tyre me shumë pika të hapura në gjithë vendin, ndonëse kazinotë kanë një qarkullim vjetor më të lartë.
ITSGA, me 3,027 të punësuar deri në fund të 2017-s, sipas të dhënave nga tatimet është punëdhënësi më i madh privat në vend dhe i dyti në Shqipëri, pas kompanisë shtetërore të shpërndarjes së energjisë elektrike (OSHEE, që ka rreth 6,300 të punësuar). Kompania kishte një qarkullim vjetor prej rreth 11 milionë eurosh në 2017-n.
LOTTO SPORT SH.A, është punëdhënësi i nëntë më i madh në vend, me 1,722 të punësuar në total.
Më pas renditen kazinotë. Adriatik Game dhe Astra Albania kishin përkatësisht nga 292 dhe 239 punonjës deri në fund të 2017-s.
Apex-Al, ndonëse është operatori më i madh i lojërave të fatit në vend, sipas qarkullimit vjetor, me 20 milionë euro në 2017-n, kishte vetëm 231 të punësuar.
Regency Casino dhe VLT Albania kishin përkatësisht nga 217 dhe 144 të punësuar.
Operatorët e tjerë kanë më pak se 100 të punësuar.
Numri i lartë i të punësuarve në pikat e basteve dhe fakti që subjektet e lojërave të fatit u kthyen në punëdhënësit më të mëdhenj privatë në vend ,reflekton modelin jo produktiv të ekonomisë shqiptare, të orientuar drejt vesit dhe jo drejt vlerës së shtuar, duk e e nxjerrë zbuluar përballë këtij vendimi drastik të qeverisë, pesë vjet pas lulëzimit të kësaj industrie .
Ministri i Financave dhe Ekonomisë, Arben Ahmetaj, deklaroi së fundmi në Kuvend se “po përgatisim një program rikualifikimi për të gjithë ata që do të dalin të papunë nga shërbimet e kësaj industrie. Shërbimi Kombëtar i Punës ka nisur punën për hartimin e një programi specifik për një rikualifikim të detyrueshëm”./ Monitor 
ahaha.. tani po na permendni ‘ 7000 personat qe hanin buke me kete industri’ .. kur deri dje nuk rreshtet se vjelluri vrer se gjoja INDUSTRINE E LOJRAVE TE FATIT E KONTROLLON OLSI RAMA DHE FATMIR XHAFA.
ju mediat jeni shume shkerdhata.. ngado qe ta sjellesh muhabetin , ju keni dicka per ta nxire.
Kesaj i thone , hip ne peme se te vrava — zbrit nga pema se te vrava…
AAA.ata merrnin parat o mut negjmije siq po i marrin dhe tani,por llojin tend qe i mbron e flakin rrugve,ik bej rikulifikim tash rama te ben prostitut ty e tet moter.e shef ahmetaj po pregadit rikualifikim qe ne gjuhen e rilindjes i bie ,prostitut,hajn,trafikant,vrases,perdhunues etj.po vet i hapet o krymb qenefi rama,xhafa,olsi ne 2013,dhe kujton se po i mbyll jo o qenef.tash esht faza e tret te gjitha kazinot e olsi edvin gregor zaho rames.rifillimi i marrezis do ti kemi rrugve 7000 prostitut,hajna,vrases,gjobvenes,trafikant rrugeve.keta rama per 5 vite i ka shkolluar. te rinj
Ata qe do vazhdojne…kazinote jane akoma te lidhur me O.Ramen dhe F.Xhafen…bile edhe me mire se fitimet do perqendrohen vetem tek ata. Gazetaret gjithmone nxjerrin problemet qe jane aktuale, nuk shpikin apo krijojne probleme artificiale.