Reperi italian, Fedez sapo ka publikuar këngën e tij më të re “Prima di ogni cosa” dedikuar të birit. Teksti i ndjerë ku ai përshkruan ndjesinë e të qënit baba dhe shpreh dashurinë e pakufi për të birin është kaq rrënqethës dhe sikur të mos duash lotët të dalin vetë. Në videoklipin emocionues ai ka përfshirë bashkëshorten e tij, blogeren e famshme italiane Chiara Ferragni dhe të birin Leone, ku kanë shkëputur disa momente mjaft të bukura familjare. “Puthja e parë, dita e parë në shkollë, dashuria e parë, gabimi i parë, dielli i parë që djeg dhe kjo është hera e parë për mua gjithashtu… Unë të shoh ty para gjithçkaje” – thotë Fedez në rreshtat e tij. Pas publikimit edhe Chiara ka shprehur emocionin e saj kur ka dëgjuar për herë të parë këngën: “Kjo ishte hera e parë që dëgjova këngën e Fedez kushtuar djalit tonë. Ishte 28 mars dhe Leo ishte vetëm 9 ditësh. Mua m’u rrenqeth trupi gjatë gjithë kohës dhe kjo më ndodh akoma çdo herë që dëgjoj këtë këngë. Shpresoj që kjo t’ju prekë edhe juve”.