Është zyrtare: Maurizio Zamparini nuk është më pronari i Palermo Calcio, “shitur me cmimin simbolik prej 10 euro” tek një shoqëri londineze. Lajmin e ka bërë të ditur vetë Zamparini, që ka firmosur shitjen përpara një noteri “duke menduar vetëm të ardhmen e shoqërisë dhe tifozëve palermitanë” e “me një nyje në fyt”, ka shkruar një letër përshëndetëse.
“Objektivi u arrit – pranon Zamparini në një letër të hapur – ishte prej kohësh që kërkoja blerës për të vazhduar punën me më shumë mjete ekonomike, për të arritur objektiva të rëndësishëm, që bëhen vetëm përmes investimeve, të cilat nuk isha më në gjendje ti bëja”.
“Përvec Palermo, shitur me cmimin simbolik të € 10, për shoqërinë Mepal, pronare e markës, me impenjimin për të paguar në arkat e Palermos shumën prej € 22.800.000 që do të jenë garanci për administrimin ekonomik – vazhdon letra –. Shoqëria e re ka në program konstruktimin e stadiumit dhe qendrës sportive”.