Në takimin me grupin përfaqësues të Kosovës për dialogun me Serbinë, përfaqësuesja e lartë e BE-së, Federica Mogherini ka treguar edhe njëherë qëndrimin e Bashkimit Europian në lidhje me taksën e vendosur për mallrat që importohen nga Serbia.
Sipas saj duhet krijuar në klimë që duhet të sjellë një klimë të mirë në rajon.
“Duhet të krijohet një klimë që i kontribuon fqinjësisë së mirë, ku marrëveshjet e arritura në të kaluarën duhet të respektohen dhe implementohen. Veprimet dhe deklaratat që nuk janë në pajtim me interesin e përgjithshëm dhe objektivat strategjikë për rajonin duhet të shmangen”, ka deklaruar Mogherini.
Bashkëkryesuesit e delegacionit kosovar, Fatmir Limaj dhe Shpend Ahmeti, pas këtij takimi kanë deklaruar se taksa ndaj Serbisë nuk do të hiqet derisa kjo e fundit ta njohë Kosovën.