Vincenzo e Georgia emocionuan Jovanotti-n, kur gjatë një koncerti të tij, një vit më parë, ai i propozoi për martesë. Lorenzo Cherubini ndërpreu eventin, duke u uruar dy të rinjve shumë lumturi.
Tani, që data e dasmës së tyre është vendosur për më 20 korrik, gjatë turneut “Jova Beach Party”, Vincenzo, në ditën e Shën Valentinit i bëri një apel këngëtarit: “Na marto ti në plazh”!
Kushedi nëse ëndrra e të rinjve mund të realizohet vërtet. Jovanotti, në fakt, i ka marrë masat për të celebruar martesa gjatë turneut veror në plazhet e Italisë. “E di që do të martojë nga një çift për plazh. Shpresoj ta lexojë apelin dhe të na ftojë”, -shkroi djali.