Një shqiptar ka mbetur i plagosur sot pas një aksidenti në Romë. Mediat italiane raportojnë se ngjarja ka ndodhur në superstradën Cassino-Formia në SanGiorgio a Liri.
Teksa 38-vjeçari shqiptar ka qenë duke drejtuar motorin të tipit “Tmax”, është përplasur nga një 72-vjeçar që drejtonte një Fiat Panda.
Përplasja ka qenë shumë e fortë, ndërsa ekipet mjekësore janë detyruar të transportojnë dy të plagosurit me helikopter në një nga spitalet e Romës.
Raportohet se gjendja e tyre shëndetësore është e rëndë, ndërsa nuk jepen detaje për identitetin e të plagosurve.
