• |
ide | kryesore

U përball me akuzat e “Hakmarrjes për Drejtësi”, KPK konfirmon në detyrë gjyqtarin

Lajme, Të fundit

Komisioni i Pavarur i Kualifikimit (KPK) ka konfirmuar në detyrë gjyqtarin e Apelit për Krime të Rënda, Dhimitër Larën. Pasi kreu hetimin mbi kriteret e pasurisë, të pastërtisë së figurës dhe të aftësive profesionale, trupa gjyqësore e KPK-së e kryesuar nga Pamela Qirko, me relatore Firdes Shulin dhe me anëtare Etleda Çiftjan, ka njoftuar se Lara kalon “sitën” e vetting-ut dhe mund të ushtrojë në vijim detyrën e gjyqtarit.

Lidhur me kriterin e pasurisë, Inspektorati i Lartë i Deklarimit dhe Kontrollit të Pasurisë dhe Konfliktit të Interesit (ILDKPKI) kishte dorëzuar një raport pozitiv për gjyqtarin. Ndërkohë, përsa i përket aftësive profesionale, bazuar në raportin e KLD-së, por edhe në verifikimeve të Komisionit, nuk janë hasur problematika në pesë dosjet e shortuara dhe në tri të tjerat të përzgjedhura nga vetë Lara.

Ky vendim hedh poshtë edhe pretendimet e vëllezërve Orik dhe Laert Shyti, të cilët kishin denoncuar gjyqtarin për akuza të padrejta si anëtarë të organizatës “Hakmarrja për Drejtësi”. Sipas Komisionit, denoncuesit kishin ngritur pretendimin se gjyqtari ishte i korruptuar politikisht dhe vendimi i marrë ishte arbitrar. “Hakmarrja për drejtësi” do të përdorej për herë të parë si togfjalësh në vitin 1996 për të emërtuar një organizatë me prirje terroriste, e  cila synonte të rrëzonte demokracinë pakvjeçare shqiptare.

 

Lini një Përgjigje

Adresa juaj email s’do të bëhet publike.

Kthehu