• |
ide | kryesore

Reagon Meta: Si Rama vuri në dorë reformën në drejtësi

Lajme, Të fundit



Presidenti i Republikës Ilir Meta ka bërë një tjetër reagim për të sqaruar ajo që sipas tij quhet “Ramaformë”.

KOMENTI I METES

Momenti kyç dhe më cilësor se si Reforma në Drejtësi u shndërrua në Ramaformë. Kushtetuta e Republikës së Shqipërisë u miratua në 21-22 Korrik 2016, me 140 votat e plota të Kuvendit të Shqipërisë.

Të gjitha ndryshimet kushtetuese u miratuan sipas këshillimeve të Komisionit të Venecias, institucioni më i lartë dhe më prestigjioz në Europë për çështjet e së drejtës kushtetuese. Pasi mori timonin e qeverisë, i vetëm dhe pa frena, në shtator 2017, Kryeministri Rama si Artist i njohur, filloi të tjetërsonte Reformën në Drejtësi për ta bërë Ramaformë.

Reforma e miratuar sipas rekomandimeve të Komisionit të Venecias, filloi të zbatohej sipas shpirtit krijues që buronte nga “Bienale e Venecias”. Kushtetuta e Republikës së Shqipërisë, parashikon qartë mënyrën se si zgjidhet Prokurori i Përgjithshëm.

Në nenin 148/a, përcaktohet se “Prokurori i Përgjithshëm zgjidhet me tre të pestat (84 vota) e anëtarëve të Kuvendit, mes tre kandidatëve të propozuar nga Këshilli i Lartë i Prokurorisë, për një mandat 7-vjeçar dhe pa të drejtë riemërimi”, ndërsa në nenin 179/ pika 13, si Dispozitë Kalimtare e Kushtetutës u përcaktua se, “Deri në zgjedhjet parlamentare, që do të mbahen pas hyrjes në fuqi të këtij ligji, por jo më vonë se data 1 shtator 2017, zgjedhja e Inspektorit të Lartë të Drejtësisë dhe e Prokurorit të Përgjithshëm do të bëhet me dy të tretat (94 vota) e anëtarëve të Kuvendit. Zgjedhjet e tjera do të bëhen me tri të pestat (84 vota) e anëtarëve të Kuvendit”.

Kjo mënyrë zgjedhje u rekomandua nga Komisioni i Venecias për të shmangur kapjen e Prokurorit të Përgjithshëm nga mazhoranca e kohës (PS + LSI) që zotëronte mbi 84 mandate në Kuvend. Mënyra e zgjedhjes së Prokurorit të Përgjithshëm u vlerësua me shumë seriozitet nga Komisioni i Venecias, i cili ka dhënë rekomandime shumë të qarta dhe objektive mbi këtë çështje.

Komisioni Venecias rekomandonte se emërimi i Prokurorit të Përgjithshëm është i rëndësishëm dhe duhet të tërheqë një shkallë të lartë konsensusi pa kompromentuar cilësitë e një kandidati të suksesshëm. Zgjedhja e njëanshme e këtij institucioni (PP) nga mazhoranca do të shkaktonte mungesë besimi nga opozita tek standardet e reformës dhe do të krijonte bindjen se mazhoranca e kohës po kapte sistemin e ndjekjes penale.

Për të shmangur këtë situatë (kapjen e institucionit të Prokurorit të Përgjithshëm), Komisioni i Venecias rekomandoi dhe Kuvendi i Shqipërisë e pranoi, që deri në zgjedhjet parlamentare të qershorit 2017, pra deri në 1 shtator 2017, zgjedhja e Prokurorit të Përgjithshëm të bëhet me 2/3 (dy të tretat) e anëtarëve të Kuvendit, pra me 94 vota, në mënyrë që mazhoranca e kohës Rama-Meta, të mos kishte mundësi ta zgjidhte e vetme Prokurorin e Përgjithshëm.

Ndërsa pas datës 1 shtator 2017 zgjedhjet e tjera të Prokurorit të Përgjithshëm do të bëheshin me 3/5 (tri të pestat) e anëtarëve të Kuvendit, pra me 84 vota. Kështu rekomandoi Komisioni Venecias dhe kështu vendosi Kuvendi i Shqipërisë me 140 votat e tij maksimale në datat 21-22 korrik 2016. Por si mund të rrinte sistemi i drejtësisë pa pasur një PPP (Prokuror të Përgjithshëm të Përkohshëm)?!

Për këtë, Timoneri, në mënyrë shumë krijuese, nëpërmjet një ligji shpiku një “PPP”, institucion ky që nuk ekziston asgjëkund në Kushtetutën e Shqipërisë, të miratuar me 140 vota në 21-22 korrik 2016. Falë vizionit të Ulsiut dhe certifikatës së ekspertëve të EURALIUS e jo vetëm, nëpërmjet një interpretimi artistik, Timonieri ia doli që në dhjetor 2017 të zgjidhte Prokurorin e Përgjithshëm të Përkohshëm (PPP) vetëm me 69 vota.
Kjo është mënyra antikushtetuese se si kaluam nga reforma me 140 vota në Ramaforma me 69 vota. Pra, nga standardet e qarta të Komisionit të Venecias kaluam tek qëllimet artistike të Bienales së Venecias.

Nga Reforma kaluan tek Ramaforma.

Që atëherë si vend, kemi thyer çdo rekord botëror, për krijimin dhe dhënien e PPP-ve për frymë. Që atëherë, kemi thyer çdo rekord dhe standard ndërkombëtar të çmimit për kilometër për autostradat dhe veprat e tjera publike. Që atëherë, kemi thyer çdo rekord dhe standart të trajtimit preferencial me ligj.
Një guinness i ri shqiptar.
Vijon……” – shkruan Meta.



10 Comments

  1. demokracia do koncept nuk do hamendje, nuk do fjal te bukura do praktika te shpejta dhe te sakta, do vec nje cilesi vec nje standart nuk do be mbledhje kot si ne socializem

    1. Paska pasur te drejte Rama kur thoshte se Likja e ka problemin tjeterkund,tek reforma ne drejtesi.Po mire te pakten qe e nxorre koken se rrije aty si struc ne presidence dhe levizje fijet.Po te vjen dita Like,uroj qe pd te mos e dergoje deri ne fund marrezine ne mbrojtjen tende se do humbte shume pike, ku me se pari kauzen.Mos u lodh kot like se nuk e mund dot amerikonin.

  2. Megjithese jan gjera qe dihen,marrin vlere kur akuzat i ngre nje zyrtare i larte si Presidenti,megjithese
    pak me vonese,por megjithate,më mire vone se kurre.Eshte e qarte,drogaxhiu Edvdin Escobar D’Rama ,
    ka instaluar ne Shtetin shqiptare nje sistem mafioz,rasti i vetem ne historine vendeve Europiane.Përgjatë
    dhjetë viteve të fundit, autoritetet publike në Shqipëri, ku përfshihen institucionet e qeverisë qendrore
    dhe ato të pavarura, kanë vendosur të mbajnë sekret 236 kontrata prokurimesh publike.Nga këto 236
    kontrata të klasifikuara nga viti 2008 deri në vitin 2018, në periudhën e qeverisë së koalicionit midis PD
    dhe LSI – të udhëhequr nga ish-kryeministri Sali Berisha, ka pasur gjithsej 20 kontrata të klasifikuara.
    Ndërsa gjatë periudhës 2013-2017 të qeverisjes PS-LSI dhe asaj të Partisë Socialiste (2018), ka pasur
    gjithsej 216 kontrata të klasifikuara. Rekordin historik e mban viti 2018 me 76 kontrata të klasifikuara,
    ku përfshihet edhe kontrata midis AKSHI-t dhe kompanisë së sigurimeve Albsig”.

  3. Nese i gjati ine po pregatite kete çorbe , nje dore ja dhe edhe ti si kryetar i LSI-se .
    Nese je me tere mend kundra , nese ke fakte dhe aq me teper duke pare diletantizmin e gruas tende ne drejtimin e LSI-se , atehere jep doreheqejen dhe merr drejtimin e LSI-se . Sot me shume se kurre kerkohen gjigant politik , jepe shembullin dhe sherbeji vendit tend dhe timit . Historia do te te jete mirenjohes dhe do te flase me hiperbola per ty .

  4. Imagjinoni na u rilind edhe Likja, se Saliu engjell fare. Jo vetem 6 vjen qeveri qe i vari karin komplet, po drogaxhiu tani po punon te cbeje edhe 8 vjet opozite qe beri.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *