Një aksident i rëndë ka ndodhur mëngjesin e sotëm në aksin rrugor Elbasan-Cërrik.
Ngjarja është regjistruar në lagjen “Shënkoll”, ku mjeti i tipit “trajler”, me drejtues shtetasin me iniciale I.T., 66 vjeç, banues në Elbasan, ka aksidentuar një këmbësor rreth të 40 -ave, i cili është transportuar menjëherë drejt Spitalit Rajonal të Elbasanit për të marrë kujdesin e nevojshëm mjekësor.
Grupi hetimor ndodhet në vendngjarje për të kryer zbardhjen e plotë të shkaqeve dhe të rrethanave të aksidentit.
Ndërkohë, në kuadër të hetimeve, drejtuesi i mjetit është shoqëruar në Komisariatin e Policisë së Elbasanit.