Roja Bregdetare amerikane thotë se 34 persona figurojnë të zhdukur pasi një zjarr i fuqishëm përfshiu një anije të vogël me polombarë në brigjet e Kalifornisë jugore. Media lokale njofton se zjarri shkaktoi disa të vdekur, por Roja Bregdetare nuk mund të konfirmonte ende njoftimin.
Sipas zyrtarëve të Rojes Bregdetare, 5 pjesëtarë të ekuipazhit u shpëtuan pasi shpërtheu zjarri në anijen që përdoret nga operatorët e tureve për zhytësit në Ishullin Santa Kruz, në brigjet e qytetit Santa Barbara.
Sipas VOA, zyrtarët thonë se vazhdojnë kërkimet për personat që figurojnë të zhdukur. Sipas zyrtarëve, pasagjerët po flinin në mjediset e brendshme të anijes kur shpërtheu zjarri të hënën në mëngjes.