Një aksident rrugor ka ndodhur në aksin Bulqizë-Fushë Bulqizë, në vendin e quajtur Gurët e Skëndërbeut.
Nga informacionet paraprake, mësohet se janë përplasur dy automjete, duke shkaktuar për pasojë lëndimin e dy personave.
Të plagosurit janë dërguar në spitalin e Peshkopisë për të marrë kujdesin e nevojshëm mjekësor.
Grupi hetimor ndodhet në vendngjarje për të kryer zbardhjen e plotë të aksidentit.