Kylie Jenner është dërguar me urgjencë në spital, për shkak të gjendjes së keqe shëndetësore.
22-vjeçarja ka qenë duke vuajtur nga disa simptoma ditët e fundit, të ngjashme me një grip të rëndë, por nuk ka mundur t’i përballojë dot më pa kujdesin e specializuar të spitalit. Burime pranë Ky, thanë për “TMZ” se ajo është paraqitur në qendrën shëndetësore me marrje mendsh dhe të përziera .
Mësohet se Caitlyn Jenner e ka vizituar të bijën në spital, ndërkohë që Kris Jenner ndodhet në Francë në javën e modës në Paris së bashku me Kendall, event në të cilin në fakt duhet të ishte dhe Kylie.
Megjithatë Ky ka shkruar në Twitter dhe ka premtuar se do të jetë e pranishme gjatë debutimit të linjës së saj të re kozmetike. Ndër të tjera në statusin në këtë rrjet social, miliarderja më e re e historisë tha: “Fatkeqësisht nuk munda të jem në Paris sepse jam shumë sëmurë dhe nuk mund të udhëtoj, jam zemërthyer që e humba shfaqjen por jam shumë krenarë për atë që kam krijuar së bashku me Oliver, ka qenë një ëndërr. Do ta ndjekim së bashku shfaqjen të premten, mos e humbisni!”
Kylie Jenner✔@KylieJenner
