Probleme të reja shëndetësore për Zdenek Zeman. Bohemi, i detyruar të largohej nga pankina e Pescara, pas pushimit të detyrueshëm (dhe të gjatë) për shkak të aplikimit të 4 bypass-eve koronare, u shtrua sërish në spital. Komplikacioni bazohet në refuzimin e pretenduar të një prej stenteve të implantuara gjatë operacionit delikat që u zhvillua më 19 shkurt. Nuk përjashtohet mundësia që ndër të tjera ish-trajneri i Parmës dhe Napolit t’i nënshtrohet një operacioni të ri.
Lexo më tej: Operacion në zemër për anti-juventinin historik, Zeman: 4 bypass në koronare, e pauzë e tejzgjatur
Zdenek Zeman, 76 vjeç, po përjeton një periudhë delikate nga pikëpamja shëndetësore. Anti-juventini i përjetshëm, i njohur për akuzat dhe kritikat për shoqërinë bardhezi, nuk duhet të bëjë asnjë sforcim dhe absolutisht duhet të pushojë. Për këtë shkak erdhi edhe lamtumira nga Pescara, tashmë e udhëhequr nga ish-zëvendësi i tij Bucaro në kampionatin e Serie C. Debutimi i këtij të fundit, të shtunën e kaluar, ishte fitorja 1-0 në shtëpi kundër Lucchese.
#Zeman ancora ricoverato: l'aggiornamento sulle condizioni https://t.co/oUdf8wKo1i
— Tuttosport (@tuttosport) December 13, 2023