West Ham nuk është vetëm një skuadër, por pak, edhe fe. Hammers kanë një nga tifozeritë më të apasionuara të Anglisë, edhe pse gjatë viteve mbështetësit e klubit londinez janë bërë të njohur edhe për dhunën e disa grupeve, si Intercity Firm. Sidoqoftë, shpërngulja nga Boleyn Ground në London Stadium i ka bërë mirë një të dhëne që i përket klubit. Në sezonin e kaluar, impianti i ndërtuar për Olimpiadën 2012 ka qenë pothuaj gjithnjë plot e edhe në këtë aktual mesatarja e spektatorëve është gjithnjë pranë maksimumit të kapacitetit të stadiumit prej 60 mijë vendeve.
Ndeshja kundër Sheffield United nuk duhet të bëjë përjashtim, edhe pse, sipas asaj që bën të ditur Daily Mail, është për tu përkujtuar një ndeshje e rëndësishme. Dy skuadrat takohen për herë të që nga 2007, vit në të cilin Blades u rrëzuan nga Premier League. Ai që i dërgoi në Championship, ishte pikërisht West Ham, që në atë sezon shpëtoi në javën e fundit falë një goli të Carlos Tevez kundër Manchester United. Një gol që u pasua nga një seri e gjatë polemikash e që për këtë do të kujtohet patjetër. Me shumë maska me fytyrën e Apache, që tifozët e West Ham do të mbajnë përpara se të fillojë ndeshja me Sheffield.
Një tallje e bukur, sepse ai gol krijoi vërtetë kaos në atë kohë. Transferimi i Tevez e Mascherano tek West Ham kishte thyer parimin e pronësisë së palës së tretë, duke qenë se kartoni i të dyve ishte në duart e një fondi investimesh. E pas rënies, presidenti i Sheffield kishte hedhur në gjyq Irons, duke marrë një dëmshpërblim prej 20 milionë stërlinash. Por nuk është e gjitha, sepse pak muaj më pas Tevez u shit… tek United, duke shtuar dyshimet e Blades për një rezultat të dakordësuar në javën e fundit të kampionatit për të favorizuar West Ham.