Paulo Dybala i përgjigjet provokacioneve në rrjetet sociale e kalon në kundërsulm, me të njëjtin stil si përmbysi Lokomotivën e Moskës në Champions, apo shënoi kundër Lecce. Argjentinasi është përgjigjur në Tëitter, atyre që e akuzonin për simulim në sfidën e një ditë më parë: “Duke parë se qenkeni shumë që shqetësoheni për kaviljen time, ju ftoj personalisht ta shihni sa herë të doni. Përqafime të gjithëve”.
Visto che siete in tanti a preoccuparsi dalla mia caviglia, vi invito personalmente a vederla quando volete. Abbracci a tutti ?? https://t.co/dpY9Jguzfu
— Paulo Dybala (@PauDybala_JR) October 27, 2019
Sigurisht që në qendër të akuzave të tifozëve ishte aksioni në të cilin Dybala u rrëzua duke bërtitur nga dhimbja pas një kontakti të lehtë me Rossettini. Në realitet, duhet fokusuar lojtari tjetër i Lecce, Tachtsidis, që me këmbën e djathtë shkel kaviljen e majtë të kundërshtarit, situatë që e bëri Joya-n të reagojë me një postim të pazakontë për të.