Matteo Salvini, ish-ministri i Brendshëm, nuk e harron profesionin e tij dhe këtë herë merret me punët e brendshme të dy klubeve të dashur për të. Salvini ka dhënë disa deklarata për mikrofonët e Radio “Kiss Kiss Napoli”, duke folur për Milan e Napolin dhe situatën e tyre: “Nuk e prisja të ishin në këtë renditje – komentoi ai -. Ançeloti është një ndër trajnerët më të mirë në qarkullim dhe në fushë janë lojtarë të nivelit të lartë, nuk e di nëse janë duke paguar hendekun mes klubit dhe skuadrës, të paktën situata e kontratave. Gjysmën e lojtarëve të Napolit do t’i doja tek Milani që nesër në mëngjes. Do të doja Ançelotin? Mos më detyroni të zihem me trajnerin e Milanit. Lojtarë si Koulibaly, Insigne do të më pëlqente t’i shihja tek Milani”.
Shumë i kujdesshëm mbi situatat e kombëtares, sidomos kur bëhet fjalë për racizëm: “Insigne jugor? Të mos bëjmë shaka, kombëtarja italiane ka rigjetur shpirtin dhe krenarinë, më duket që skuadrat e klubeve luftojnë. Baloteli? Nuk është një që mund të jetë i thirrur mbi bazën e ngjyrës së lëkurës ose për të plotësuar ndonjë mendim të mirë nëse nuk është në lartësi… Nuk më ka pëlqyer kurrë si lojtar jo shumë për cilësitë teknike, por shumë për qëndrimin dhe mentalitetin.
“Var një “m…”? Jo, por rrezikon të ketë shumë poezi, pauzat për 4-5 minuta rrënojnë futbollin. Ka nevojë për kohë të shpejta dhe jo për 18 ndërprerje në ndeshje, duhet t’i lihet trajnerin maksimumi 2 kërkesa në ndeshje”.
“Milan De Laurentiis dhe Napoli fondit Elliott? Nuk komentoj zgjedhjet e tifozëve të kaltër, sigurisht unë tek Milani do të sillja një president me shtyllë kurrizore, një president të vërtetë. Jo se Scaroni nuk është, por një pronar italian, me mentalitet italian, shije italiane dhe zgjedhje italiane. Scaroni bën të pamundurën, por të jesh pronari i një kompjuteri, një diçkaje që lëviz miliarda euro dhe ti je vetëm pjesë e biznesit, nuk është pasioni im. Unë, pra, do ta bëja ndryshe dhe në mënyrë absolute”.