Debutimi i Genaro Gattuso ka qenë nga ato që tekniku nuk do të kishte dashur as ti mendonte, e megjithatë ndodhi: Napoli i tij brenda në shtëpi pësoi një humbje shokuese nga Parma. Pas kësaj situate, tekniku që zëvendësoi Ancelotti në pankinën e të kaltërve mund vetëm të mos fshihet pas fjalëve: “Napoli i pafat? Nuk besoj tek mungesa e fatit. Në këtë moment skuadra mendërisht nuk është mirë. Kemi bërë tonën, kemi përgatitur ndeshjen në dy ditë e gjysëm. Kemi kërkuar të përfitojmë nga entuziazmi i tifozëve dhe kualifikimi, por nuk kemi humbur për mungesë fati” ka theksuar ish-mesfushori.
Cështje psikologjike, me sa lexohet në fjalët e Gattuso, por që duhet ta bëjnë Napoli të reflektojë: “Skuadra duhet të besojë në fuqinë e vet dhe të braktisi nga koka problematikat”. Tekniku nuk e sheh vetëm të errët situatën, pavarësisht se një humbje përpara publikut të shtëpisë, në ndeshjen e parë në detyrë e kundër një skuadre jo në nivelin teknik të Napolit, është vështirë të kapërcehet: “Gjërat pozitive? Nuk mjaftojnë, skuadra është në vuajtje. Kemi provuar 4-2-4 për të sjellë në shtëpi rezultatin, por tani duhet të mendohet për ekuilibrin. Edhe presioni duhet të bëhet mirë, ka nevojë të punohet shumë, të punohet në mendje, kjo skuadër është duke paguar faktin që nuk fiton prej më shumë se 50 ditë në kampionat. E tregojnë dhjetë minutat e para momentin tonë”.
Në fund edhe një kritikë për Insigne, që nuk duket se ka përfituar shumë nga largimi i Ancelotti: “Nuk do të flas vetëm për të. Për vite me radhë ka qenë lojtar kryesor, tani lodhet dhe vërshëllimat janë të drejta. Duhet të rigjejmë entuziazmin dhe të qëndrojmë brenda vetes e të jemi në lojë. Nuk ka luajtur keq vetëm Insigne, është një skuadër e ndërtuar për të arritur në majtë dhe në këtë moment nuk është duke bërë paraqitje të mira”.