Në moshën 36 vjeç, ai po përjeton muajt e fundit të një karriere që arriti kulmin në Europë me Manchester City: Yaya Touré së fundmi ka fituar promovimin në kategorinë e lartë kineze me Qingdao Huanghai, por nuk ka harruar edhe futbollin europian, shpesh objekt i kritikës për çështje që nuk kanë të bëjnë me fushën.
Ashtu si tema e racizmit, fatkeqësisht e pranishme në Itali dhe pjesën tjetër të Evropës: gjatë një interviste në “L’Equipe”, mesfushori nga Bregu i Fildishtë zbuloi se ai e kishte penguar të birin e tij të ndiqte gjurmët e tij pikërisht për arsyet e përmendura tashmë.
“Unë jam i ndjeshëm ndaj kësaj, sepse racizmi është diçka që më lëndon gjithmonë. Djali im dëshiron të bëhet futbollist, por unë i thashë: “Jo, nuk mund ta bësh këtë. Unë nuk pranova ta lejoj atë të luajë futboll. Pse? Për këto gjëra”.
Touré do të donte një sjellje të ndryshme nga maja e futbollit, sipas mendimit të tij ata nuk kanë mbajtur aspak qëndrimin e duhur në luftën kundër racizmit.
“Tre muaj më parë isha në një konferencë dhe disa njerëz nga federata italiane folën për këtë. Unë u thashë se çfarë duhet të bënin me raste si ai i Lukakut. Ata janë tifozët. Ju është thënë se duhet të jenë të sjellshëm por është ndryshe… Nuk është integrimi, është diçka tjetër ”.