Ashtu si parashikohej, ka mbërritur aprovimi i qeverisë për stërvitjet kolektive për futbollin. Ministrat Speranza e Spadafora kanë shpërndarë një deklaratë të përbashkët në të cilën japin lejen për seancat stërvitore në grup, por me kujdes të madh. “Mendimi i kërkuar nga Qeveria mbi protokollin e prezantuar nga Figc është shprehur nga Komiteti Teknik Shkencor e konfirmimi për linjën e kujdesit është theksuar sërisht nga ministritë kompetente. Indikacionet e Komitetit, të cilat duhet të konsiderohen të rrepta dhe detyruese, do t’i transmetohen Federatës për rregullimet e nevojshme të Protokollit në mënyrë që të lejojë rifillimin e sigurt të trainimit të ekipit duke filluar nga 18 maj”.
Pasi është arkivuar çështja e stërvitjes në grup, tani mbetet në tryezë për tu përcaktuar rifillimi i mundshëm i kampionatit. Po, sepse të dy aspektet, sidoqoftë të lidhura, nuk janë domosdoshmërisht pasuese: rikthimi tek seancat në grup nuk do të thotë dritë jeshile për Serinë A.
Në pritje të kuptohet se do të jetë sjellja në rast të një pozitiviteti të ri brenda skuadrave, një pikë tjetër themelore për rifillimin duhet të jetë edhe rezultati i testeve kardio-vaskulare, të cilat domosdoshmërisht duhet të përjashtojnë çdo lloj rreziku për ata që u infektuan me virusin. Sigurisht, me një sy gjithnjë shumë të vëmendshëm për përparimin e kurbës epidemiologjike e me tjetrin tek kalendari. Për momentin, në fakt, nuk ka ende një datë për rikuperimin, edhe nëse idea është kthimi në fushë në fundjavën e 13-14 qershorit.
Uaau! Na plasi e shkreta!