Për Meisterschale numër 30, i teti radhazi, gjërat pothuaj u vendosën: Bayern Mynih shkon të fitojë në Dortmund në “Klassiker” të futbollit gjerman duke vënë njërën dorë mbi titullin e Bundesliga. Në këtë pikë, vetëm kampionët në fuqi mund të hedhin dëm një titull të fituar, sepse parabola e Kimmich e dërgon Flick +7 mbi Favre 6 javë nga fundi. Përfundon seria pozitive e Borussia, që vinte nga 6 fitore radhazi e udhëtonte me shpejtësinë e rivalëve. Por në momentin vendimtar të kampionatit Bayern është shfaqur më i fortë, gati për një ndeshje të këtij niveli.
Impakt më i mirë i ndeshjes për Dortmund, që detyron menjëherë Neuer të bëjë shpëtimtarin në goditjen e Haaland pothuaj me portë bosh. Bavarezët pasi kaluan 15 minutat e para nisën të përgjigjen, të shtyrë nga shpejtësia në krahë e Coman e Davies: këtë herë verdhezinjtë Hakimi e Guerreiro duhet të shqetësohen më shumë për tu mbrojtur se për të sulmuar. Bayern barazoi rastet e pastra (Piszczek shpëtoi goditjen e Gnabry me portierin të mundur) e pastaj testoi reagimin e Burki me një goditje të fuqishme. Për të zhbllokuar ndeshjen, kur priteshin Haaland e Lewandowski, fenomenin e bën Kimich: idea e guximshme e një parabole në hyrje të zonës i dha mesfushorit kreditet e një goli spektakolar në minutën e 43′.
Favre atëherë provoi me Sancho e Emre Can në vend të një Brandt më pak të inspiruar se zakonisht e Delaney. Por Bayern ruan kontrollin e Burki duhet të tejkalojë veten për ti mohuar golin e dytë Goretzka. Vetëm pas një orë loje, Borussia gjeti mënyrën për të shërbyer Haaland në zonë: norvegjezi e kontrollon, godet e gjen krahun e Boateng, që doli përpara për të bllokuar goditjen. As gol, as Var, vetëm kënd. Dortmund u mundua të bënte më shumë, por asgjë për tu shënuar, madje në krahun tjetër Lewandowski siluroi shtyllën. Në përfundim të ndeshjes, mungesa e publikut në Signal-Iduna Park bëri të ndihet edhe më shumë britma e gëzimit e të besuarve të Flick. Bundesliga nuk përfundoi, por është aty afër.