Një aksident me pasojë vdekjen e një 38-vjeçari ka ndodhur pasditen e sotme në Rubik.
Sipas informacioneve paraprake, Xh.N., teksa drejtonte motoçikletën ka humbur kontrollin duke dalë nga rruga. Për pasojë, gjeti vdekjen e menjëhershme.
Grupi Hetimor ndodhet në vendngjarje për të zbardhur shkaqet dhe dinamikën e aksidentit.
Njoftimi i Policisë:
Sot,rreth orës 19:00, Rubik, Mirditë, drejtuesi i motoçikletës shtetasi Xh.N., 38 vjeç , banues në Rubik , ka humbur kontrollin e mjetit duke dalë nga rruga, ku për pasojë ka gjetur vdekjen.
Grupi hetimor ndodhet në vendgjarje dhe po punon për sqarimin e plotë të rrethana të ngjarjes.