Nuk arrin të qendrojë larg telasheve. Conor McGregor, ish-ylli irlandez i Mma (mixed martial arts) është lëshuar në mbrëmje, pasi më parë ishte arrestuar në Bastijë, në Korsikë, me akuzën e tentativës për dhunë seksuale e akte ekzibicionizmi.
“Pas një ankese të paraqitur më 10 shtator, ku denoncoheshin akte që mund të konsiderohen si përpjekje për dhunë seksuale dhe ekzibicionizëm, Z. Conor Anthony Mac Gregor u dëgjua nga xhandarmëria lokale” lexohet në deklaratën e prokurorisë, që nuk ka dhënë ndonjë detaj tjetër mbi incidentin. Në mbrëmje erdhi më pas lajmi i lirimit të tij, pasi afatet e paraburgimit skaduan, pa u paditur. Një zëdhënës i McGregor nga Shtetet e Bashkuara tha se Conor “mohon me forcë çdo pretendim të sjelljes së keqe”. Emmanuelle Ramon, avokatja që e mbrojti atë në ishullin francez, i quajti akuzat “fyese”.
#BREAKING #UFC's Conor McGregor arrested in Corsica for indecent exposure, a local court tells @AFP
? @AFPphoto pic.twitter.com/wN7rLbAlO9
— AFP Sport English (@AFP_Sport) September 12, 2020
McGregor ndodhej në Korsikë për të marrë pjesë në një udhëtim bamirësie përmes Mesdheut, një kalim 180 km që supozohej se ai duhet ta ndërmerrte me Princeshën e Monakos, Charlene, për të rritur ndërgjegjësimin për rreziqet e detit dhe masat e sigurisë që duhen marrë kur ndërmerret një aventurë në ujë. Padyshim që Conor u detyrua të hiqte dorë nga ngjarja. Nuk është hera e parë që irlandezi e ka gjetur veten në telashe me ligjin për akuza të ngjashme. Në janar 2019 ai në fakt u hetua në Dublin përsëri për dhunë seksuale. Në mars ai më pas përfundoi në burg për sulm dhe dëmtim të një tifozi në Miami.