50-vjeçari i arrestuar mëngjesin e sotëm, Fatmir Hoxhaj nuk e ka pranuar autorësinë për vrasjen e Ahmet Toskës.
Raportohet se prokurorisë i kanë lindur dyshimet për shkak të së kaluarës së Hoxhajt. Në një periudhë në të shkuarën, ai ka pasur konflikt me viktimën. Lajmin e jep ABC News, duke cituar burime nga Prokuroria.
Gjatë hetimit për një muaj, prokuroria ka pasur përgjime mjedisore, ambientale që e kanë çuar drejt bindjes se Fatmir Hoxhaj mund të ketë gisht në këtë vrasje.
Megjithatë, mbetet për t’u shqyrtuar edhe motivi i pronësisë, apo nëse vrasja është bërë për motive të dobëta.
Hoxhaj mbetet në pozitat e të dyshuarit, ndërsa burime për abc neës bëjnë të ditur se hetimet vijojnë.
Mendohet se ka edhe persona të tjerë, që dyshohen për bashkëpunues apo ndihmës në fshehjen e armëve.