Mediat e huaja kanë raportuar së fundmi se aktorja Angelina Jolie, do të drejtojë realizimin e filmit “Sjellje e paarsyeshme”, një film për fotografin britanik të luftës, Don McCullin.
Përmes një deklarate ,Angelina është shprehur e entuziasmuar për realizimin e këtij filmi.”Jam e nderuar që kam mundësinë për të sjellë jetën e Don McCullin në film.U tërhoqa veçanërisht nga angazhimi i tij për të dëshmuar të vërtetën e luftës, nga ndjeshmëria dhe respekti i tij për ata që vuajnë pasojat”, ka shkruar aktorja.Filmi do të jetë një histori nga jeta e fotoreporterit britanik, veçanërisht i njohur për raportet e tij të luftës dhe imazhet mbi konfliktet urbane.