“Armën e kam me vete sepse jam në rrezik. Dokumentet e licencës kishin skaduar dhe nuk ishin rinovuar”. Janë fjalët e këngëtarit grek Notis Sfakianakis, që u arrestua mbrëmjen e të dielës në Greqi. Më pranga në duar, Sfakianakis ka dalë para gjykatës ku ka folur për arrestimin. Për kokainën, këngëtari nuk ka dhënë shpjegime të mjaftueshme.
Sfakianakis u arrestua rreth orës 20:00 të së dielës, ndërsa ishte plotësisht bashkëpunues me policinë dhe nuk bëri rezistencë. Gjatë një kontrolli për masat anti covid, policia ndaloi rastësisht makinën, ku u gjet një armë dhe një sasi e vogël kokaine.
