• |
ide | kryesore

Merkel: Nuk premtoj çeljen e negociatave me Shqipërinë, shpresë për Maqedoninë e Veriut

-Instant, Lajme, Të fundit

Kancelarja gjermane Angela Merkel shpreson që të hapë konferencën ndërqeveritare me Maqedoninë e Veriut qysh këtë vit. Ajo tha se shpreson që Bullgaria dhe Maqedonia e Veriut do ta mënjanojnë grindjen e tyre.


“Në rastin e Shqipërisë çështja është pak më ndryshe. Me gjithë përparimet, nuk mund të premtoj se do të ndodhë që këtë vit, por shumë shpejt”, tha kancelarja në një takim virtual me komisionet e parlamenteve të vendeve anëtarë të BE-së.


“Sa i përket Serbisë, ajo duhet të bëjë përparime në marrëdhëniet e saj me Kosovën”, tha kancelarja. Ajo ritheksoi edhe njëherë me këtë rast se ardhmja e vendeve të Ballkanit Perëndimor është në BE. Krahas parlamentarëve të vendeve anëtarë në konferencë virtuale, një lloj bilanci i punës së Gjermanisë si kryetare e radhës së BE-së, e morën fjalën edhe parlamentare nga vendet kandidate. Në emër të Shqipërisë ishte deputetja Rudina Hajdari, e cila në pyetjen e saj se kur do të miratohet korniza negociuese, e falënderoi kancelaren dhe BE-në për programin e Komisionit të BE-së për Ballkanin Perëndimor dhe për ndihmën në kohën e pandemisë.

Më 7 dhjetor ministrat e Jashtëm dhe të Evropës së BE-së do të vendosin për çeljen zyrtare të negociatave me Maqedoninë e Veriut dhe Shqipërinë. Vendimi përkatës është marrë në mars të këtij viti. Për shkak të grindjes mes Bullgarisë dhe Maqedonisë së Veriut për përkatësisë historike të maqedonasve, Bullgaria ka paralajmëruar se do të vërë veton për hapjen e konferencë së parë ndërqeveritare. Ajo që shpresohet për momentin është, sipas vëzhguesve, që së paku Bullgaria të mos pengojë miratimin e kornizës negociuese. Në rastin e Shqipërisë nuk pritet as miratimi i kornizës negociuese, pasi vendi nuk i ka plotësuar parakushtet e vëna nga BE-ja dhe Bundestagu Gjerman.DW

3 Comments

  1. Partija jone Heroinike dhe Kriekomandanti inë i Përgjithshëm ua ka treguar gjithnje vendin jermaneve naziste……

  2. Me siguri, zyra e propagandes se qeverise, ne mos Edi vete, po bejne gati tymuesen pa lidhje, ku do na tregoje perrallen e radhës me “bëmat” e Sali Berishes, qe eshte fajtori i tij i preferuar dhe ndoshta refrenin grotesk, per hallet e medha qe po kalon vete Evropa “e shkrete”.
    Te jene aq budallenj, sa t’i genjeje mendja se me pordhe gomari do i shperqendrojne njerezit dhe me hi syve, do ia fshijne nga zemra dhe mendja zemerimin per mohimin e endrres se mezipritur per nje pasaporte evropiane?

Lini një Përgjigje

Adresa juaj email s’do të bëhet publike.

Kthehu