Pas vlerësimit në “B1” dhe me perspektivë “TË QENDRUESHME” në Tetor 2020, Moody’s ka kryer rishikimin periodik për Shqipërinë, njoftoi Ministria e Financave.
Agjencia Ndërkombëtare e Vlerësimit Moody’s, ditën e djeshme, ka publikuar rishikimin periodik të saj për Shqipërinë, një qëndrim mbi pozicionin e vendit tonë. Pas renditjes më të fundit në vlerësimin në “B1” dhe me perspektivë “të qëndrueshme” në muajin Tetor të këtij viti, agjencia thekson përsëri pozicionimin e qëndrueshëm të Shqipërisë në tregjet ndërkombëtare, pavarësisht dy goditjeve të njëpasnjëshme, tërmetit dhe pandemisë.
Ky rishikim periodik nuk ndryshon qëndrimin për institucionet dhe qeverisjen, duke rikujtuar pozitivisht angazhimin e vendit në procesin e integrimit në BE. Gjithashtu, konfirmon qëndrimin për faktorin ekonomik dhe fiskal, pas daljes së suksesshme në tregjet ndërkombëtare në 2020.
Në raportin e fundit të renditjes, Moody’s ka njohur efektet e pandemisë në ekonomi dhe ndikimin e pashmangshëm, por të përkohshëm negativ edhe në parametrat fiskalë. Megjithatë, kushtet e forta e të qëndrueshme ekonomike në vitet e fundit dhe përpjekja e përbashkët nga autoritetet për të luftuar ekonominë informale kanë përmirësuar tregun e punës.
Në korrik 2020, qeveria miratoi amendime të mëtejshme në Ligjin Organik të Buxhetit, duke përfshirë një rregull fiskal për një balancë primare të paktën zero duke filluar nga viti 2023 e në vijim. Agjencia ka vlerësuar konsolidimin fiskal dhe rikthimin në indikatorë makroekonomikë fiskalë pozitivë në vitin e ardhshëm.
Në vlerësimin e saj të fundit, (përpara një muaji) Agjencia parashikon se ekonomia do të fillojë të ri-mëkëmbet, që prej vitit të ardhshëm (2021), ku parashikon një rritje pozitive prej 5%. Angazhimin drejt rrugës së Bashkimit Evropian dhe diversifikimi i ekonomisë dhe burimeve energjetike po vazhdon përmes prioriteteve politike dhe projekteve novatore në sektor, duke reduktuar varësinë nga burimet ujore, përfundon njoftimi i financave./monitor
Hahaha pozicion te qendrueshem. Po normale si di do japim $ ose Euro .
Cfare tregjesh nderkombetare se po cuditem. Cfare prodhon shqiperia qe eksportoj jashte?! Vetem krim dhe korrupsion prodhojme se per gjera te tjera jemi ne gjume..Ah po harrova dhe gjoksit i biem shume qe te shesim pordhe me rigon se jemi specie te rralla
Te vdekurit JANË zakonisht ne pozicione te qendrueshme!
O njerez pse cuditeni? E dini kush tjeter eshte B1 Stabil i qendrueshem:
Honduras, Kenya, Etiopia, Angola..Ai qe i kupton kete vleresin te agjensive te rating e din qe jemi per faqe te zeze se nuk ka bir investitori serioz te vi ne shqiperi.
Me shifrat qe raporton Arben Ahmetaj,ka pasur mundesi qe kjo kompani ta raportonte A+A+A+ !
Qendrueshmerine dhe seriozitetin ne bote te kesaj qeverie e shohin vetem organizmat mafioze te droges dhe jo vetem !
Edvin Rama,shet çdo gje ne bote per te marre ndonje vlersim !
Organizmat nderkombetare dhe ata qe jane ketu po so te tille jane thjesht bashkpunetor te nje bande kriminale me natyre Eskobari !
Apo jo Kim……Jung ?Amerika nuk bashkpunon me kartele droge dhe as me varrmihes se lirive dhe te drejtave !Trafikantet,organizatat kriminale dhe sistemet e korruptuara nuk marrin OK ne Amerike ?!