Paul Pogba e Ole Gunnar Solskjaer (sipas asaj që bën të ditur Daily Mail) kanë folur pas eleminimit të United nga Champions përballë Leipzig e, me tone civile e me premtimin për impenjim maksimal për sa kohë vesh fanellën e Red Devils, mesfushori francez i ka komunikuar trajnerit të tij dëshirën se dëshiron të largohet nga Manchester në merkaton e janarit.
Pas këtij vendimi fshihet me shumë mundësi Juventus. Dje Pogba u kthye të ndjekë bardhezinjtë në Instagram. Për shumë ky është një sinjal i qartë i interesit të tij për rikthimin në Torino. Kësaj i shtohet edhe deklarata e menaxherit të tij Mino Raiola që, pasi konfirmoi vullnetin e të asistuarit të tij për tu larguar nga Premier League, e ka përcaktuar “të mundshme” zgjidhjen Juventus. Gjithcka do të varet, në cdo rast, nga vlerësimi i lojtarit. Një një moment kaq të vecantë ekonomik, është e qartë se Juventus nuk mund të bëjë cmendurira për rikthimin e Pogba.
Ja përse tashmë është kthyer në modë shkëmbimi me Dybala. Numri 10 bardhezi duket se e ka humbur vendin si titullar në skuadrën e Pirlos, gjithnjë e më shumë e varur nga dyshja Ronaldo-Morata dhe këtë herë mund të pranojë transferimin në Old Trafford ku Solskjaer e adhuron. Hipoteza tjetër është për Pogba është Real Madrid. Nuk është mister që Zidane e kërkon bashkëkombasin në mesfushën e Real, edhe pse operacioni Camavinga, që është 9 vjet më i ri në krahasim me Pogba, mund të frenojë mundësinë e një kalimi të francezit në klubin e Florentino Perez.