• |
ide | kryesore

Festë ditëlindje në Nigeri pa maskë e distancim: Osimhen pozitiv me Covid-19

-Instant, Sport, Video

Probleme të mëdha për Viktor Osimhen. Kthimi i tij në fushë dukej i afërt, pas një mungese nga 8 nëntori i kaluar për shkak të një dëmtimi të pësuar më 13 nëntor me ekipin e tij kombëtar. Por në fakt mbërrin lajmi për pozitivitetin e tij ndaj Covid-19, të konfirmuar nga Napoli përmes një njoftimi për shtyp: “SSCN raporton se futbollisti Victor Osimhen u testua pozitiv ndaj tamponit molekulare të nazofaringealit të kryer dje pasdite në kthimin e tij nga jashtë. Lojtari është asimptomatik dhe nuk është takuar me grupin e ekipit.” Kaq ka mjaftuar që të shpëthejnë kritikat mbi lojtarin: zbulohet video e një feste pa maskë dhe distancim shoqëror. Shoqëria pothuajse me siguri do ta gjobisë lojtarin në këtë pikë. Klubi, në fakt, është shumë i vëmendshëm ndaj shëndetit të lojtarëve të tij dhe nuk pranon qëndrime të tilla. Veçanërisht në një moment delikat si ky.


Osimhen ishte kthyer nga Antwerp, në Belgjikë, ku kishte shkuar për të kuruar shpatullën e tij të dëmtuar dhe ishte gati të ekzaminohej nga mjeku i ekipit të Napolit, Raffaele Canonico, i cili do të vlerësonte kohën e shërimit. Tani një problem i ri rrjedhimisht një shtyrje e mëtejshme e kthimit të tij në dispozicion të Gattuso, i cili synonte ta kishte atë në 100% për 20 janar, data e ndeshjes së Super Kupës së Italisë me Juventus.


MISTERI I FESTËS SË DITËLINDJES
Ndërkohë, festa e ditëlindjes në Nigeri ka sjellë kritikat e tifozëve të Napolit ndaj Osimhen. Sulmuesi nigerian javët e fundit ishte në Belgjikë për fizioterapinë e shpatullës së tij të dëmtuar, por më 28 dhjetor (një ditë para ditëlindjes së tij) ai bëri një ndalesë në Nigeri duke marrë pjesë në një festë për nder të tij, si u dokumentua në profilin e Michael Golden në Instagram (postim i fshirë më pas), artist i cili këndoi në mbrëmje. Në sallë kishte dhjetëra njerëz, të gjithë pa maska dhe të gjithë vallëzonin afër, pa asnjë distancë. Të gjithë vallëzuan rreth Osimhenit që gjithashtu kërcente pa maskë. Imazhet janë komentuar nga shumë tifozë të Napolit të zemëruar me sjelljen e sulmuesit nigerian, i cili mund të gjobitet nga klubi.

Lini një Përgjigje

Adresa juaj email s’do të bëhet publike.

Kthehu