Sipërfaqja e përmbytur në Shkodër ka shkuar në 2685 hektarë deri tani nga reshjet e shumta të shiut të ditëve të fundit dhe prurjet e lumenjve. Liqeni i Shkodrës është mbi kuotën maksimale duke shënuar 8.83 metër. Hidrometri në Dajç shënon kuotën 6.51 m.(Kuota max 6.30 m) dhe hidrometri i lumit Drin shënon kuotën 7.12m. (Kuota max 7.50 m). Lumit Kir gjithashtu ka prurje të shumta.
Rruga e Obotit është e kalueshme me vështirësi me mjete të larta pasi niveli i ujit mbi rrugë arrin rreth 1.15 m. Rruga që lidh fshatrat Shirq- Darrgjat është e bllokuar pasi ka prezencë uji me mbi 1 metër. 250 shtëpi janë të rrethuara nga uji në Dajç. Kemi prezencë ujit në rrugët e brendshme të fshatrave Shirq dhe Mushan. Gërryerja e tokave bujqësore vijon nga lumi Drin në vendin e quajtur Harku i Bërdicës dhe fshati Bërdicë e Sipërme.