Vranësira dhe reshje të pakta në territor, por rrebeshe në veri dhe juglindje do të nisin këtë javë në vendin tonë. Orët nga mesdita deri vonë pasdite, sjellin rrebeshe në të gjithë vendin dhe vetëm në mbrëmje reshjet pakësohen deri mëngjesin e së martës.
Temperaturat mbeten të larta gjatë mëngjesit duke variuar nga 4 në 12 gradë ndërsa një rënie me 2 gradë sjell mesdita si pasojë e pranisë së reshjeve; maksimumi i sotëm do shënoje rreth 16 gradë Celcius. Era në orët e natës ka vijuar e fortë nga drejtimi jugor, por gjatë ditës ajo dobësohet deri në shpejtësinë 50 km/h duke marre drejtim perëndimor.