Në kuadrin e fushatës për zgjedhjet e 25 prillit, Lulzim Basha prezantoi sot planin e PD për turizmin.
Basha u angazhua të rrisë kontributin e drejtpërdrejtë nga turizmi në ekonominë tonë nga 8 në 10%.
Rritja e punësimit përmes turizmit është një tjetër premtim i Bashës, i cili tha se zotohet për rritje nga 40.000 në 80.000 vende pune.
“Angazhohem të dyfishojmë kapacitetet akomoduese. Duke hapur kështu dyert për më shumë turistë. E për pasojë do të kemi më shumë vende të reja pune.
Angazhohem të punoj për të rritur kohëzgjatjen e sezonit turistik, përmes diversifikimit të ofertave turistike:
Bregdetare
Malore
Rurale
Kulturore
Kështu ne do të dyfishojmë kohën e qëndrimit të turistëve të huaj në vendin tonë.
Do t’u japim atyre më shumë arsye stimuluese për ta vizituar Shqipërinë.
Si rrjedhojë e këtyre masave qeveria e re angazhohet të rrisë numrin e turistëve të huaj me 15% në vit!”, u shpreh Basha.
Si do e dyfishoje Basha kohen e qendrimit te turistave ne Shqiperi?