Aktorja Gal Gadot, e famshme për rolin e saj si “Wonder Woman” po pret bebushin numër tre!Ajo vetë e ka dhënë këtë lajm të bukur në rrjete sociale, teksa kishte pozuar me bashkëshortin dhe dy vajzat. Të gjithë kishin vendosur dorën mbi barkun e rrumbullakosur të aktores dhe dukeshin tepër të lumtur, ndërsa ndjekësit janë bërë kuriozë për gjininë e bebushit. Ende s’dihet në cilin muaj të pritjes së ëmbël është Gadot, por me siguri do ta mësojmë shumë shpejt.
“Ja ku ja nisëm sërish”- shkroi aktorja krahas postimit
Megjithse u shfaq në “Golden Globes”, aktorja u vesh me të gjera dhe e mbuloi barkun e rrumbullakosur, pasi duket se nuk ishte ende gati për të zbuluar pritjen e ëmbël. Ndaj, ajo zgjodhi ta jepte këtë lajm kaq të bukur në rrjete sociale, në praninë e familjarëve të saj. Ndërkohë, ndjekësit kanë nisur “bastet” për të gjetur nëse bebushi që Gal po pret është vajzë apo djalë.