Një aksident me pasoja vdekje është regjistruar sot në një minierë në Bulqizë. Mësohet se një masiv gurësh ka zënë poshtë një 27-vjeçar, i cili ka ndërruar jetë.
Viktima është identifikuar si Eldi Alla. Deri më tani nuk dihen rrethanat e ngjarjes në fjalë, ndërsa policia ka nisur hetimet.
“Me datë 28.05.2021, rreth orës 18.30, në një subjekt minerar në Bulqizë, dyshohet se gjatë punës është aksidentuar shtetasi E. A., i cili si pasojë e dëmtimeve të marra ka humbur jetën.
Grupi hetimor ndodhet në vendngjarje dhe vijon hetimi për zbardhjen e plotë shkaqeve ngjarjes” – thuhet në njoftimin paraprak të policisë. ©LAPSI.al