Në një intervistë për Steven Barlett, këngëtari Liam Payne ka konfirmuar ndarjen nga partnerja e tij, Maya Henry.
Liam u shpreh se fajëson veten për këtë ndarje pasi ai i lëndon njerëzit.“Në këtë mendoj se jam më shumë i zhgënjyer nga vetja ime që vazhdoj të lëndoj njerëzit. Kjo më mërzit. Nuk kam qenë i mirë me lidhjet. Nuk jam shumë i mirë me to, kështu që duhet të punoj me veten time, para se dikush të lidhet me mua.Në lidhjen e fundit nuk po jepja versionin më të mirë të timin më, nuk po e vlerësoja. Me sinqeritet mund të them se ndihem më mirë jashtë kësaj marrëdhënie. Nuk ndihesha mirë me atë që bëra, por duhej të ndodhte. Duhet ta them se ishte më e mira për të dy ne”, tregoi ai. Mirëpo një burim pranë këngëtarit ka zbuluar për ” The Sun” se arsyeja e vërtetë e ndarjes është djali i tij pasi ai të kalojë më shumë kohë me të.“Liam do që të shpenzojë më shumë kohë me djalin Bear. Ai është djali i tij dhe për të është gjithë bota. Ai është i përkushtuar si baba dhe do që të kalojë më shumë kohë me të tani që po rritet. Liam po kujdeset më shumë për veten tani, po stërvitet më shumë dhe po bën një stil jetese të pastër”,rrëfeu burimi.