Një 43-vjeçar është arrestuar nga Policia e Tiranës pasi ka kërcënuar me armë zjarri bashkëshorten e tij. Në pranga ka rënë A. M., i cili në momentin që policia mbërriti në banesën e tij në Sauk po kërcënonte gruan e tij me pistoletë.
Gjatë kontrollit të banesës, Policia gjeti dhe sekuestroi në cilësinë e provës materiale 1 armë zjarri pistoletë dhe municion luftarak. Mbi 43 vjeçarin rëndojnë veprat penale “Armëmbajtja pa leje” dhe “Kanosja”.