Nerlens Noel, qendra e Neë York Knicks, ka paditur Rich Paul, super menaxherin e NBA, mik dhe përfaqësues i LeBron James. Noel e akuzon Paul dhe Klutch Sport, agjencia e lojtarëve më me ndikim në kampionatin amerikan, se e bënë atë të humbasë 58 milionë dollarë duke refuzuar një super ofertë dhe kërkon kompensim për dëmet e mëtejshme ekonomike për neglizhencën e pretenduar që i kanë penguar merkaton dhe mundësitë që nga viti 2017 deri në vitin 2020, kur Noeli përfaqësohej nga Paul. Pas shkarkimit të tij, Noel bashkëpunon me George Langberg, që i siguroi rinovimin me Knicks, duke nënshkruar një kontratë trevjeçare prej 27.7 milionë dollarë të garantuar.
Ka një parathënie që duhet cituar: Klutch Sport (i Rich Paul) ishte ankuar në shoqatën e lojtarëve për mos pagesën e komisionit për kontratën e parafundit të Noel me Knicks: 200,000 dollarë kompensim. Dhe pastaj edhe dicka tjetër për tu theksuar: Rich Paul u “zbulua” nga LeBron kur ai ishte askushi, ndërsa tani ai përfaqëson lojtarë si Anthony Davis, Ben Simmons, Draymond Green dhe John Ëall, si dhe James. Ndikimi i LeBron në Klutch Sport konsiderohet i rëndësishëm. James nuk përmendet në asnjë moment në padi, por jepen hollësira për ofertat e vitit 2020 për Noel nga Houston Rockets e Los Angeles Clippers, atëherë rivalë të Lakers të LeBronit në Perëndim, që sipas Noel janë injoruar nga Rich Paul. Me pak fjalë, nuk është e nevojshme të jesh dashakeq për të përfytyruar hipotezën, megjithatë, gjithçka duhet të demonstrohet dhe përcaktohet, për një konflikt të mundshëm interesi.