Mbrëmje me gola e rezultate surprizë në kualifikueset e Botërorit Katar 2022. Franca ndalet sërisht, duke e futur Deschamps edhe më shumë në telashe. Fitore të mëdha të Serbisë, Hollandës e Izraelit, ndërsa Haaland udhëheq Norvegjinë drejt suksesit në Letoni.
UKRAINE – FRANCE 1-1
Në stadiumin Olimpik në Kiev, Franca shpëton mirë në fushën e Ukrainës, duke rrëmbyer një 1-1 të çmuar që i lejon ata të qëndrojnë në krye të grupit D të kualifikueseve për Kupën e Botës në Katar 2022. Vendasit e mbyllën pjesën e parë në epërsi falë golit të shënuar në fund nga Shaparenko, autor i një të djathte të mrekullueshme nga jashtë zonës. Martial barazoi rezultatin në minutën e 50-të, para goditjes së shtyllës nga Diaby në fund të takimit.
SERBI-LUKSEMBURG 4-1
Pothuajse asnjë problem për Serbinë në ndeshjen e vlefshme për grupin A të kualifikueseve për Kupën e Botës në Katar 2022. Në fakt, ishte një fitore e lehtë e vendasve në Beograd kundër Luksemburgut, që u dorëzua 4-1. Një dygolësh i Mitrovic vendosi avantazhin e dyfishtë midis minutave 22 dhe 35: së pari me të majtën nga fare pranë, pasi mbylli një trekëndësh të bukur mes Lukic dhe Milinkovic-Savic dhe më pas me një goditje me kokë në sugjerimin e Kostiç. Thill shkurtoi distancën në minutën e 77, por një autogol nga Chanot riktheu diferencën. Pokeri përfundimtar u fiksua nga Milenkoviç.
IRLANDA-AZERBAIXHAN 1-1
Gjithnjë për Grupin A, për pak nuk erdhi edhe humbja e katërt radhazi për Irlandën. Pas befasisë flagrante në shtesë kundër Portugalisë, nga Cristiano Ronaldo, në minutën e 45 ishte Makhmudov ai që ngriu Stadiumin Aviva në Dublin me një djathtë të çmendur nga distanca, që përfundoi ngjitur me shtyllën. Ishte një goditje shumë e rëndë, ndoshta edhe si rezultat i përmbysjes së pësuar në Faro të mërkurën e kaluar. Fakti është se, me 3 minuta nga fundi, Duffy zhbllokoi zeron në renditje falë golit që fiksoi 1-1. Pika e parë edhe për Azerbajxhanin e Gianni de Biasit.
QIPRO-RUSI 0-2
Rusisë godet në Qipro 2-0. Me këtë sukses jashtë fushe, ekipi kombëtar i stërvitur nga Karpin mbetet në krye të grupit H, por tani me 10 pikë. Erokhin menjëherë zhbllokoi rezultatin në minutën e 6 falë një goditjeje të shkëlqyer që u depozitua nën kryqëzimin e shtyllave; dyfishimi u nënshkrua nga Zhemaletdinov në minutën e 55 me një të djathtë praktikisht me portën të zbrazët. Menaxhim pothuajse i qetë për të gjitha minutat e fundit nga rusët, të cilët i detyruan qipriotët në humbjen e tyre të dytë radhazi, duke mbetur kështu të palëvizshëm me 4 pikë.
SLLOVENI-MALTË 1-0
Në grupin e Rusisë dhe Kroacisë, Sllovenia përpiqet të krijojë një shqetësim për dy ekipet favorite të grupit H, për t’u kualifikuar drejtpërdrejt ose përmes një play-off për Kupën e Botës në Katar 2022.. Fitore 1-0 kundër Maltës e mision i përmbushur. Në fund të pjesës së parë Lovric mendoi t’i japë epërsinë vendasve me një goditje dënimi. Rezulton goli fitues i ndeshjes, që i ngjit në 7 pikë në renditje sllovenët, ndërsa maltezët mbeten të barabartë me Qipron.
LETONI-NORVEGJI 0-2
Në grupin G, Norvegjia ngjitet në kuotën e 10 pikëve në renditje, rezultati i tre fitoreve, një barazimi dhe një humbje. Në Riga, ata u imponuan 2-0 kundër vendasve të Letonisë. Skandinavët kaluan përpara në minutën 20 me një penallti të kthyer në gol nga Erling Haaland. Më pas ishte Elyounoussi ai që do të mbyllte përfundimisht llogaritë në minutën e 66. Humbja e tretë në këtë grup për baltikët, gjithmonë të parafundit me 4 pikë.
FINLANDË-KAZAKISTAN 1-0
Për grupin D (ai që përfshin edhe Francën), një sukses i rëndësishëm për Finlandën, pasi dy ndeshjet e para të grupit përfunduan të dyja me një barazim. Në Helsinki vendasit mundën Kazakistanin 1-0: ndeshja u vendos në minutën e 60 nga Pohjanpalo, autor i një goditje me kokë, në krosimin e Uronenit nga e majta. Finlanda ngjitet në 5 pikë; kazakët u ndalën në 2.
WORLD CUP – UEFA QUALIFICATION: 1ST ROUND: GROUP A
Republic of Ireland 1 – 1 Azerbaijan
Serbia 4 – 1 Luxembourg
WORLD CUP – UEFA QUALIFICATION: 1ST ROUND: GROUP D
Finland 1 – 0 Kazakhstan
Ukraine 1 – 1 France
WORLD CUP – UEFA QUALIFICATION: 1ST ROUND: GROUP F
Faroe Islands 0 – 1 Denmark
Israel 5 – 2 Austria
Scotland 1 – 0 Moldova
WORLD CUP – UEFA QUALIFICATION: 1ST ROUND: GROUP G
Latvia 0 – 2 Norway
Gibraltar 0 – 3 Turkey
Netherlands 4 – 0 Montenegro
WORLD CUP – UEFA QUALIFICATION: 1ST ROUND: GROUP H
Cyprus 0 – 2 Russia
Slovenia 1 – 0 Malta
Slovakia 0 – 1 Croatia