“Më mirë të humbas një ndeshje 6-1 sesa gjashtë herë 1-0. Por ajo disfatë atje nuk mund të harrohet, fatkeqësisht do të mbetet në historinë time dhe në atë të Romës”. José Mourinho i rikthehet disfatës historike të së enjtes së kaluar, në shtëpinë e Bodos. Dhe ai vendos ta arkivojë atë përgjithmonë, duke dhënë një goditje të fundit mbi të kaluarën e klubit verdhekuq.
“Ka njerëz që sot qeshin me atë që bënë në Romë. Friedkins kanë marrë në duar shumë m*t, shumë gabime nga të tjerët, e njëjta gjë ndodhi me Tiago Pinton. Pronarët kanë shpenzuar shumë para për të rregulluar gjërat e bëra më parë dhe njerëzit qeshin. Qeshin me xhepat plot para, megjithatë, me komisione milionerësh, madje dyfishe. Ne kemi shpenzuar duke u përpjekur për të pastruar dhe krijuar kushtet për suksesin e një projekti, i cili, megjithatë, kërkon kohë. Por nëse lexoj se nuk kam një marrëdhënie të mirë me shoqërinë, kjo është një gënjeshtër. Kam respekt të madh për Friedkins dhe për Pinton. Është normale që do të doja më shumë lojtarë, por e pranova këtë punë duke e ditur situatën. Nëse mund të më ndihmojnë në janar ose verën e ardhshme, do t’i falënderoj. Vetëm unë jam përgjegjës për humbjen me Bodon: vendosa të luaja me një ekip që rrezikonte të humbiste, nuk e imagjinoja një fatkeqësi të tillë. E bëra nga frika e dëmtimeve, e erës, sintetikes dhe angazhimeve të shumta që kemi përpara”.
Më pas, Mou ka folur edhe për stolin dhe të ashtuquajturat rezerva, ndër të cilët edhe Marash Kumbulla, ata që kanë përfunduar në syrin e stuhisë dhe kritikave të tij pas ndeshjes. “Doja t’u jepja një mundësi djemve të mirë, që punojnë dhe e meritonin ta kishin. Kur fituam 4 ndeshje, fola për Shën Pjetrin. Ne në disa pozicione kemi alternativa, në të tjera jo. Ne po ndërtojmë një ekip, duhet të ndërtojmë një skuadër. Dhe është normale që duhet të ndërhyjmë më shumë në merkato. Nesër me Napolin në stol nuk do të kemi lojtarë të dobët, por fëmijë të moshës 17-18-19 vjeç ”.